ក្រុងព្រះសីហនុ៖ បុរសជនជាតិចិនម្នាក់បានព្យាយាមលោតពីលើអាគារ ណានហៃ ជាន់ទី១៨ ក្នុងសង្កាត់លេខ៣ ក្រុងព្រះសីហនុ បណ្តាលឱ្យធ្លាក់ស្លាប់ភ្លាមៗ។ ហេតុការណ៍នេះបានកើតឡើងបង្កការភ្ញាក់ផ្អើលកាលពីល្ងាចថ្ងៃទី២០ ខែមីនា ឆ្នាំ២០២៣។

សមត្ថកិច្ចបានប្រាប់ឲ្យដឹងថា បុរសជនជាតិចិនម្នាក់នោះ មុននឹងលោតពីលើអគារ គេឃើញបុរសនោះបានព្យាយាមលោតតាំងពីម៉ោង ៤រសៀល ហើយអាជ្ញាធរបានព្យាយាមឃាត់ដែរ តែបុរសរូបនោះមិនស្តាប់ ក៏ទម្លាក់ខ្លួនពីលើអគារបណ្តាលឱ្យស្លាប់នៅម៉ោងជាង ៥ល្ងាច។

សមត្ថកិច្ចបានបញ្ជាក់ទៀតថា បុរសជនជាតិចិនរូបនេះ បានលោតទម្លាក់ទៅប៉ះនឹងរបងថ្ម រួចធ្លាក់មកលើដី ស្លាប់ភ្លាមៗតែម្តង។ ជុំវិញករណីនេះសមត្ថកិច្ចកំពុងបន្តដោះស្រាយតាមនិតិវិធី។

សូមរំលឹកថា គ្រាន់តែរយៈពេល ១សប្តាហ៍កន្លងទៅនេះ មានករណីបុរសជនជាតិចិនចំនួន៣នាក់បានធ្វើអត្តឃាតលោតសម្លាប់ខ្លួនពីលើអគារ បណ្តាលឱ្យស្លាប់ភ្លាមៗ។ ក្នុងនោះករណីទី១ កើតឡើងនៅថ្ងៃទី១៧ ករណីទី២កើតឡើងនៅថ្ងៃទី១៩ ហើយករណីទី៣ កើតឡើងនៅថ្ងៃទី២០៕